نائن الیون کے بعد امریکہ میں گزشتہ 10 سالوں میں دہشت گردی کا ایک واقعہ بھی نہیں ہوا جبکہ پاکستان میں سینکڑوں واقعات، سانحات اور حادثات ہو چکے ہیں جن میں ہزاروں لوگ اپنی قیمتی زندگیاں اور قیمتی اعضاءسے محروم ہو گئے۔

ہمارے ملک کے وزیراعظم جناب یوسف رضا گیلانی حال ہی میں سارک ملکوں کی کانفرنس میں شرکت کے لئے بھوٹان گئے تو وہاں انڈیا کے وزیراعظم منموہن سنگھ سے ملاقات ہوئی۔ منموہن نے ہمارے وزیراعظم اور وزیر خارجہ کی خوب تعریف کی اور کہا کہ ان دونوں پیروں کے مرید انڈیا میں بھی بہت ہیں

جب امریکہ کا صدر ڈبلیو بش تھا تو پاکستان میں صوفی کونسل بنائی گئی تھی جس کا سرپرست اس وقت کے صدر پاکستان مسٹر پرویز کو بنایا گیا تھا۔ چوہدری شجاعت حسین کو صوفی کونسل کا صدر بنایا گیا تھا۔ ایک خطیر رقم اس مقصد کیلئے امریکہ نے فراہم کی تھی۔ ہم نے اس وقت بھی اسلامیان پاکستان کو خبردار کیا تھا لہٰذا یہ منصوبہ ناکام ہو گیا۔